موقع البنات
موقع البنات > طبخ > طاجن المكرونه بالدجاج المفروم والجبنه طاجين الجبن

طاجن المكرونه بالدجاج المفروم والجبنه طاجين الجبن

من قسم طبخ 12/03/2018

نقدم لكم على موقع البنات وصفات وأطباق مشهورة ، حيث نقدم لكي سيدتي هذه المرة كيفية و طريقة تحضير طاجن المكرونه بالدجاج المفروم والجبنه ، بالصحة و العافية كما نتمنى أن تنال إعجابكم ولا تنسوا المشاركة معنا عبر التعليقات أسفل الوصفة.

المقادير :

  • المقادير لخلطه الدجاج.
  • 2 صدور دجاج مخليه من العظم ومفرومه في الكبه.
  • بصل كبيرة متقطعه مكعبات صغيرة.
  • 3 فصوص ثوم مفروم خشن.
  • حبه فلفل رومى متقطعه مكعبات.
  • حبه طماطم متقطعه مكعبات.
  • معلقه صلصه كبيرة.
  • ملح وفلفل.
  • توابل فراخ أو توابل مشكله.
  • ذرة صفرا حسب الرغبه.
  • مكرونه مسلوقه.
  • للكريمه:.
  • كيلو ونصف لبن.
  • 3 معلقه كبيرة لبن بودرة.
  • 5 معالق كبيرة دقيق.

طريقة التحضير :

  • الطريقه الأول هنشوح البصل والثوم في الزيت لحد ما يدبل وبعدين نضيف الفراخ المفرومه ونقلب.
  • نهدى النار عليها ونسيبها خمس دقايق وبعدين نضيف الفلفل الرومى والطماطم والصلصه والملح والفلفل والتوابل انا حطيت مكعب ماجى ونقلب كويس ونطفي النار ونخليها على جمب.
  • المكرونه نسلقها هي والذرة نصف سلقه ونخليها على جمب آخر حاجه الكريمه هنخلط اللبن وهيكون بارد مش سخن مع اللبن البودرة والدقيق ونضربهم في الخلاط لحد ما تعمل رغوة على الوش ويتقل اضافه اللبن البودرة خلت الطعم كريمى أكنى ضايفة على اللبن كريمه.
  • مفيش فرق خالص الأول كنت بحط كريمة بس لما فكرت في الطريقه دى استغنيت عنها هناخد اللبن إلى ضربناه في الخلاط هو والدقيق واللبن البودرة ونحطهم على النار ونحط معلقتين زبدة وملح وفلفل وماجى وهنقلب باستمرار مش هنوقف تقليب عشان هيتكتل لحد ما الخليط يتقل ويبدء يعمل فقاقيع.
  • يبقي كدة تمام ونطفي النار عليه لو حسيتى انه تقيل اوى ممكن تضيفي نصف كوب لبن سخن بالتدريج وتقلبي لحد ما يختلط كويس.
  • نجيب الطاجن ونحط شويه كريمه فيه يغطى الطاجن من تحت وفوقيها شويه مكرونه بالذرة ونخلطهم بالكريمه وبعدين نحط طبقه.
  • طبقه الفراخ المفرومه وفوقيها طبقه تانيه من المكرونه والذرة ونضيف فوقيها رشه جبنه مبشورة مشكله رومى على موتزريلا.
  • وبعدين نحط كميه كريمه كافيه تغطى الطاجن كله وآخر حاجه نرش جبنه تانى على الوش ويدخل الفرن لمدة نصف ساعة ومن غير شوايه الوش هيحمر لوحده.
لا توجد تعليقات حتى الآن !